Balita

Amoranto Sports Complex, niyanig muli ng mga pambato ng PSBS

Ang Tanglaw

©Kuha mula sa Facebook

Lumahok muli ang mga pambato ng Paaralang Sekondarya ng Bagong Silangan (PSBS) sa patimpalak ng Rotary Club na ginanap sa Amoranto Sports Complex, ika – 23 ng Pebrero, taong 2019.

“ Alay ng rotary sa araw ng kabataan ” muli ang tema sa naturang patimpalak. Mula sa iba’t ibang distrito ng Quezon City ang mga kalahok.

©Kuha mula sa Facebook

Kasama sa mga nakilahok sa PSBS ang Sayaw Kabataan Dance Troupe (SKDT) at Kwerdas ng Silangan (KS) kasama ang nag – iisang kalahok na lalaban sa “ on – the – spot painting contest ” na si John Aaron Legson, ika – 10 baitang.

©Kuha mula sa Facebook

Sa pagtatapos ng patimpalak, nag – uwing muli ng karangalan ang PSBS kasama ang isang tropeyo at ngiti ng mga pambato.

Nagkamit ng ikalawang pwesto ang SKDT. Hindi naman nagkamit ng parangal ang KS dahil dalawa lamang silang kalahok sa Rondalla.

Bigo ang pambato ng PSBS sa on – the – spot painting contest ngunit maipipinta pa rin sa kanyang mukha ang tuwa at pagtanggap ng pagkatalo.

“ Ang tagumpay ay hindi lamang sa panalo, kundi pati na rin sa kasiyahan at ala – ala na naiwan sa puso ng mga nakinig dito ” , ani Jasfer Familaran, tagapagturo ng Kwerdas ng Silangan.

Agham

Teknolohiya:magastos ngunit may pakinabang

Ang Tanglaw

Mabigat sa bulsa kapag iyong binili ngunit tindi ang saya at kapakinabangan kapag iyong ginamit

©Kuha mula sa Google

Cellphone,tablet,laptop at computer,iilan lamang ito sa makabagong teknolihiya sa panahon ngayon. Pinipindot,nakakapagtext o chat at nakakapag selfie na kinalilibangan ng mga tao ngayon lalo na ng mga kabataan.

Gamit na hindi mawawala sa kamay ng mga tao ngayon, ultimo kakain,mag ccr, o kahit nasaan pa ay nanatiling hawak hawak ito.

Sa paliwanag ng Internet and Mobile Marketing Association of the Philippines,sa panahon ngayon mahigit 38 milyong Pilipino ang gumagamit ng internet,karamihan sa mga ito ay mga kabataan na nasa edad na 30 pababa.

Base sa pag aaral ng IMMAP nitong setyembre lamang,mahigut 22 milyong pinoy ang gumagamit ng kanilang facebook gamit ang smartphone.

Kumpara sa mga karatig bansa,mas mababa parin umano ang paglaki ng bilang ng mga Pilipinong gumagamit ng smartphone sa bansa.

Narito ang mga dahilan kung bakit ginawa ang mga makabagong teknolohiya , tara na at ating alamin:

1.Maari itong magamit ng mga taong kumukuha ng kursong accountancy lalo na ang nasa Unibersidad ng Perpetual Help System(DALTA)
2.Ito rin ay magbibigay ng tulong sa pagbilis ng pag kaalam ng mga impormasyon na kinakailangan ng mga mag aaral
3.Mapapabilis ang pamumuhay ng mga tao sa pag gamit nito.

Agham

Sobreteraklatan, tampok sa Bagong Silangan

Ang Tanglaw

©Kuha mula sa Google

Ang SorbeterAklatan ay isang proyekto ng Bagong Silangan Elementary School (BSES) sa pangunguna ng principal na si Dr.Wilma C. Manio at ng Quezon City Public Library (QCPL).

Ang SorbeterAklatan ay ang maihahalintulad sa isang ice cream cart at isang maliit na silid aklatan na maaaring itangan at ipahiram sa mga batang maaaring sa loob at labas ng paaralan upang silay magbasa at matuto ng magagandang aral at matuto ng pagmamahal sa ibat ibang mga kaugalian, kaisipan at mga kaalaman na nakasulat sa nakalimbag na titik.

Kuha mula sa Google

Gamit ang Sorbeter Aklatan cart ay ipapa-ikot ito sa buong kumunidad at lahat ng mga kabataan ay maaaring humiram.

©Kuha mula sa Google

Layunin ng programang ito na mapalaganap sa kaisipan ng bawat kabataan at ng mamamayan ng Bagong Silangan na maging ugali ang pagbabasa sapagkat makakatulong ito hindi lang sa mga kabataan kundi pati narin sa mga magulang upang maipabatid ang programang ito sa buong kumunidad ng Bagong Silangan at mapalaganap ang kultura ng pagbabasa at maiwasan ng mga kabataan ang kaugalian sa paggamit ng computer.

“Pagbuo ng kulturang pambansa sa pamamagitan ng pagbabasa” Ang paniniwala ng nagtatag.

Balita

PSBS,Ipinagdiwang ang Araw ng mga Puso

Ang Tanglaw

Nagsagawa ang mga ssg(Supreme Student Government) ng Paaralang Sekondarya ng Bagong Silangan ng marriage booth para sa araw ng mga puso nitong pebrero 14,2019

©Kuha mula sa facebook

Ito ang araw ng puso na pinag hahandaan ng nakararami. Kayat pinaghandaan rin ng mga ssg, isa pa sila ang nagbenta ng mga candy and tsokolate.

Pinangunahan nila ang pagbebenta dahil ang pondo na ito ang kanilang gagamitin sa mga inihanda nilang gawain sa AVR.

“Sobrang napasaya po ako nung valentine dahil nakapicture ko si crush sa married booth na aking pinapangarap matagal na,sobrang nakakakilig talaga”ani kurt na isa sa mga napasaya.

Marami ang napasaya ng mga ssg sa araw ng mga puso. Kaya patuloy lamang nila gamitin ang kanilang katalinuhan sa araw araw

Balita

Deworming sa PSBS, isinagawa

Ang Tanglaw

Nakiisa rin ang Paaralang Sekondarya ng Bagong Silangan (PSBS) sa naganap na National Deworming Activity ng kagawaran sa mga pampublikong paaralan sa bansa Enero 27 ngunit Pebrero ito naisagawa sa PSBS.

©Kuha ni Roselyn Lajada

Para siguradong ligtas ang isang bata sa bulate kinakailangan na pupurgahin siya ng dalawang beses sa isang taon ayon sa Department of Health o DOH.

Isinasagawa nila ang pagpupurga kontra sa mga bulate tuwing buwan ng ika-Enero at Hulyo.

Marami ang pwedeng epekto ng gamot sa mga kabataan tulad ng pananakit ng tiyan, pagsusuka, pag kahilo at pagtatae lalo na sa mga batang mayroong mga bulate sa tiyan.

Nagbibigay din mga panuntunan ang DOH sa pagpapainom ng gamot dahil bawal ang walang laman ang tiyan at walang sapat na kain bago unimon ng gamot.

Pinagbabawalan din nila makainom ng gamot kontra bulate ang mga batang malnourish, nagtatae, sumasakit ang tiyan o ulo, may allergy at may lagnat o sakit.
Tinitiyak naman ng kagawaran na ligtas at hindi expire ang mga gamot na ibinabahagi nila o pi apainom sa mga bata.

Opinyon

Buwan ng Pebrero

Ang Tanglaw

Isa na nga ito sa Masayang buwan na Dumaraan sa ating buhay. Buwan ng Pebrero, Buwan ng pagibig ika nga.

Sasapit ang Araw ng ika-14 ng pebrero , Mga magkasintahan ay lalabas na. kakain, gagala at susulitin ang mga oras na magkasama. Dahil nga araw ng pagibig. Buwan ng pag ibig na sa mga nagiisa ay tila kalungkutan ang dala. Ganun nalang ba kapag ika’y mag isa Bawal na sumaya? Kapag mag isa ka Hindi na ba pedeng kiligin?

Maraming dahilan para sumaya.Mga kaibigan mo na nandyan handang pasayahin ka. Naghahanda ng katarantaduhan para mapangiti ka. Maraming dahilan para sumaya Pamilya mo na nandyan para sayo. Pamilya na Pwedeng bigyan ng pagmamahal mo.

Oo, minsan nakakaramdam ka ng kalungkutan. Naiinggit sa mga tropa mong may kasintahan. Pero ngayun na nag iisa ka. enjoyin mo lang ang araw ng kabataan mo.

Sa aking palagay, di naman naten kailangan maging malungkot kung tayo man ay nagiisa sa buwan na ito. Nandyan ang Diyos, Na handang iparamdam ang pagmamahal niya. Laging nandyan para yakapin ka ngunit sa paraang hindi mo nakikita. pero masaya, masaya sa pakiramdam na nandyan siya. Hindi ka niya iiwan ni sasaktan man.Papakiligin ka niya sa mga pangako niya sayu. At Hinding hindi ka niya hahayaang maging malungkot .

Ang buwan na ito ay Hindi lamang sa magkasintahan.Ang Buwan na ito Ay para sa Pagibig ng Diyos sa Sanlibutan.

Agham

Sakit sa Makabago

Ang Tanglaw

Maraming ng mga bagay ang patuloy na nagbabago sa pagdaan ng panahon, marami ding umayabong at umusbong tulad ng makabagong teknolohiya. Sa pagiging moderno ng panahon, maraming kabataan sa kasalukuyan ang gumagamit nito upang makomunikasyon ang malayong mahal sa buhay o di kaya’y magpalaganap ng impormasyon sa buon mundo.

©Kuha mula sa Google

Pero ang pagiging babad at pagiging sobra nito ay makasasama tulad nalamang ng pagkakaroon ng arthritis na siya namang nagdudulot ng kamatayan sa mga taong mayroon nito. Ito ay ang tumutukoy sa pamamaga ng isa o higit pang mga kasukasuan. Ang pangunahing sintumas ng Arthritis ay ang pananakit at paninigas ng kasukasuan na lumalala kasabay ng pagtanda. Kadalasan ito ay pinaniniwalaang dahil sa pagkawalang pabanat ng bato ng isang tao, dating Pinsala sa kasukasuan (Previous joint injury), kasarian, edad, namamana atbp.

©Kuha mula sa Google

Maaaring apektado ng mga sakit na ito hindi lamang ang mga kasukasuan kundi pati na rin ang mga kalamnan, mga buto, litid, at mga gatil na sumusuporta sa mga ito. Ang ilang anyo ng artritis ay maaaring puminsala sa iyong balat, sa mga panloob na sangkap ng katawan, at maging sa iyong mga mata. Pagtuunan natin ng pansin ang dalawang sakit na karaniwang iniuugnay sa artritis—ang rheumatoid arthritis (RA) at ang osteoarthritis (OA).

Ayon sa istatistika, Ang sakit sa buto, isang masakit na pamamaga at paninigas ng mga kasukasuan, ay isang pangunahing sanhi ng kapansanan, na nakakaapekto sa isa sa limang matanda, mas bata pa sa 65. Walang lunas, ngunit isang mahalagang paraan upang pamahalaan ang sakit sa buto ay upang manatiling aktibo. Ngunit 90 porsyento na ng mga pasyente ang hindi na nagiging dahil iniindang karamdaman.

Maiinda ang sakit na nadarama kung tayo ay magiging aktibo. Maging mapanuri sa mga gagawin natin para sa huli ay wala tayo pagsisisihan. Sabi nga nila’y “choose wisely”, na ngangahulugan matalinong pagpapasya sa lahat ng bagay at huwag gumawa ng sobra sobra, dapat ay katamtaman lang.

Lathalain

MGA PAKULO, SA ARAW NG MGA PUSO

Ang Tanglaw

Araw ng pagmamahalan. Araw ng pagbibigayan. Araw ng pakikiisa sa mga couples o magkakaibigan.Samu’t­ sarsaring emosyon ang nangibabaw sa mga kabataan sa Paaralang Sekondarya ng Bagong Silangan (PSBS).May masaya, malungkot, at sabi ng iba’y mga bitter.Isa kaba sa mga ito?

Isa kaba sa mga nakaranas ng ganitong pakiramdam?Kung oo,wag kang mangamba dahil hindi ka nagiisa.

Basta sa usaping pag-ibig,aba millenials ang nangunguna diyan.Andiyan ang mga taong may lovelife o masaya na kasama ang kanilang minamahal. May taong malungkot dahil walang kasama sa pagdiriwang ng araw ng mga puso.May mga taong broken hearted dahil iniwan ng jowa sumama sa iba. May mga taong bitter na akala mo’y tatandang dalaga sa pagiging kontrabida sa lovelife ng iba. At may mga tao din na walang pakielam dahil sa sila ay single o mga study first at magulang lang ang pinagkakaabalahan.

Roses.Tsokolate.Stuff toys yan ang asahan mong hindi mawawala sa araw ng mga puso. Kanya kanyang bigay sa kanilang mga minamahal. Mga millenials ay in na in at kadalasang may pa surprise pa. Mga bf at gf ay sobrang sweet na tila ba’y nilalanggam na. Sa bawat paligid mga rosas at tsokolate ang hawak ng iba samantalang ikaw wala. Napakasakit ba? Masakit kasi akala mo walang may nagmamahal sayo, ngunit nagkakamali ka dahil andiyan ang diyos, pamilya at kaibigan mo na minamahal ka. Kaya’t wag kanang maginarti pa.

Photo Booth.Jail Booth.Marriage Booth. Mga paraan ng supreme student government (SSG) upang ikaw ay sumaya. Dito maaari mong sumaya dahil kahit trip-trip lang maaari mo pang makita si da one. Sumaya kana nakipagparticipate ka pa. Kaya join na.

Pagsorpresa. Pagharana. Pagdate sa labas. Mga estilo ng kalalakihan upang mapasaya ang kanilang mga minamahal. Panunuyo sa kanilang mga minamahal ang sakanila ri’y magpapasaya. Makita lamang nila ang matatamis nitong ngiti sila’y napapangiti na at sa tuwing ito’y nakikita nilang tumatawa mas lalo silang nahuhulog pa.

Araw ng mga puso ay paraan ng pagpapahayag ng damdamin sa taong minamahal o maging sa iba. Ipinagkaloob ito sa atin ng diyos upang tayo’y sumaya. Kaya’t lungkot at lumbay ay kalimutan na, dahil hindi lang ikaw ang nagiisa. Bakit hindi mo nalang subukang mahalin ang panginoon o di kaya’y iyong pamilya nang sa ganoon ay maghatid ito sayo ng saya.

Lathalain

3 pandama para sa pangmatagalang relasyon

Ang Tanglaw

Buwan na naman ng Pebrero, nangangahulugang buwan ng pagmamahalan. Dumaan na ang araw ng puso maraming mga magkasintaham ang nag-date, kumain sa labas, nanood ng sine, nagbigay ng stuff toys, bulaklak at mga tsokolate, mayroon ding sinurpresa ang kanilang partner sa harap ng maraming tao. Ngunit hindi lang dapat sa araw ng pag-ibig maging ma-effort. Heto ang 3 pandama upang mapatagal ang relasyon ninyong dalawa.

Pantingin- Mga mata, ginagamit na pantingin sa mga bagay-bagay sa paligid. Sa relasyon nararapat lamang na sa iyong kasintahan lamang ang iyong mga mata, kumabaga siya ang pinakasentro ng lahat lalo na pag magkasama kayong dalawa. Siya lang ang natatanging pinakamaganda sa iyong paningin kahit sino pa ang babae o lalakeng makita mo sa daanan

Pandinig- Ang tenga ang ginagamit sa parteng ito. Sa relasyon ang paalala ng bawat isa ay dapat pakinggan ng mabuti hindi yung tipong pasok sa kaliwa labas sa kanan. Kung gustong mapatagal ang relasyon maging mabuting tagapakinig pakinggan ang mga mahahalagang salita, kung may pag-aaway man huwag magpataasan ng pride pakinggan ang hinaing ng isa’t isa.

Pandama- Dito ating balat ang ginagamit ngunit sa isang relasyon ang ginagamit ay ang puso. Ingatan ang pandama ng isa’t isa lalo na’t pusi ang nasasaktan kapag hindi naiingatan o naaalagaan. Kung may di pagkakaunawan iwasang makapagsalita ng masasakit na salita dahil ang mga masasakit na salita ay nagsisilbing karayom na tumutusok sa kanyang puso.

Hindi dapat sa buwan ng pagmamahalan lamang maging sweet sa karelasyon. Hindi dapat sa araw ng puso lamang maging ma-effort. Hindi lang dapat pag may okasyon maging mapagmahal sa kasintahan. Sa isang relasyon kailangan ng pandama sa pang-araw-araw ng sa gayon mapahaba ang relasyon at umabot ng ilang taon o dekada.

Editoryal, Opinyon

Boo – late

Ang Tanglaw

Bulate. Salot. Sanhi ng malnutrisyon na siyang sumisira sa resistensya ng katawan. Bulate na mas mabilis pang lumaganap sa pagrami ng populasyon kailangan na bang tuldukan? Deworming kailangan na ba ng Bagong Silangan?

Ang “ deworming ” o purga ay ang pagtanggal ng bulate sa katawan ng isang tao sa pamamagitan ng pag – inom ng gamot.

Sa paglunsad ng Department of Health (DOH) ng “ Sabayang Gamutan Kontra Bulate ” maaring mabawasan ang pagkakaroon ng malnutrisyon na isa sa problema ng ating bayan.

“Maganda na magkaroon ng deworming dahil nakakatulong siya sa mga students, tapos… mahal yung gamot pamurga” , ani Camela Marie Gelera, baitang 10.

Mapupuksa ang salot o bulate kung mas lalong papaigtingin ang laban kontra bulate. Isang gamot kapalit ng libo – libong salot at milyon – milyong mga sakit.

Ilang beses nang isinagawa ang deworming sa paaralan ng Bagong Silangan ngunit bakit maraming estudyante pa rin ang hindi inaabsweltuhan ng kanilang mga magulang na uminom ng gamot pamurga?

Marami ang natatakot, marami ang hindi sigurado kung ang gamot ba na ito ay hatid ang kabutihang panlahat.

Hindi natin masisisi ang opinyon ng iba dahilan ng kontrobersiya lulan ng paglaganap ng gamot na imbis na magamit na lunas ay siya pang nagdulot ng sakit.

Hindi ka man sigurado at nagugulumihan buksan mo lang ang iyong isipan. Lahat ng bagay ay walang kasiguraduhan kaya walang masama kung iyong susubukan.