Lathalain

Sa kadiliman

Ang Tanglaw

Tuwing naririnig natin ang death penalty, takot ang laging nararamdaman natin. Ngayon, naging pangulo na si Pangulong Rodrigo Roa Duterte bumigat pa ang naramdaman ng mga pilipino na parang iniwan ka nalang ng walang dahilan.

Nitong mga nakaraang araw sa debate ng mga senatorial candidate naitanong kung dapat bang ibalik ang death penalty sa Pilipinas.

Ang kamatayang parusa ay hindi kailanman nagsisilibing hustisya bagkus ito ay isang apoy para sa ibang Pilipino sapagkat ito ang pinakamasakit na parusa na maaaring madanas ng isang tao. Kamatayan! Kamatayan! , Hindi kailanman makakapagpqbago sa ating lipunan

Ang death penalty ay kumikitil ng buhay bukod pa rito, tinatanggal ang karapatan at kalayaan ng mamamayang Pilipino.

Kailanman hindi naging sapat ang pagkitil na lamang ng buhay ng isang tao upang masabing mayroong pagbabago sa ating lipunan at makatulong sa bayan

Editoryal

Pangarap

Ang Tanglaw

Pangarap sa buhay at sa lupang sinilangan.
Napakaraming pangarap ang naririto sa mundong ibabaw, para man ito sa sarili, sa minamahal o sa ating bayan. Mayroon ding uri ang mga pangarap ito ang mabuti at masama na maaring makaapekto o makapagbabago sa isang tao sa isang bansa. Mabuti o masama ito parin ay tinatawag na pangarap na gustong matupad o makamtan ng isang tao sapagkat ito ay nilikha parin ng malikhain nating kaisipan.
Iba’t ibang tao, iba’t iba ring pangarap ang tinataglay. Simulan natin bilang isang bata. Bilang isang bata napakarami mong pangarap sa buhay simple man ito o mataas. Isa sa simple ay ang kanilang kasiyahan at pagbibigay sa kanila ng pagmamahal na galing sa mga magulang. Sa matatas na man ito ay napakarami ngunit ang isa dito ay ang kanilang pangarap sa buha at sa paglaki.
Pangalawa, bilang isang kabataan. Ang pangarap ng isang kabataan ay napakarami rin at isa sa partikular na pangarap nila ito ay makapagtapos ng pag-aaral upang makatulong sa pamilya. At pagka-nasa edad 20 o 25 ikaw ay may trabaho na at isa sa mga pangarap mo ay magkaroon ng isang buong pamilya na masaya.
At sumunod ay ikaw ay nasa edad 30 pataas, ang mga pangarap mo ay para sa sariling pamilya at sa sariling bansa na ito ay sana umunlad at gumanda ang kinabukasan. At ang panghuli ay yung matanda ka na, ang pangarap na iyung nais makamtam ay ang iyung tunay na kaligayahan para sa sarili at sa lupang sinilangan, ang bansang Pilipinas.
Nakita natin ang iba’t ibang pangarap ng iba’t ibang tao na nais makamtan sa buhay para sa sarili, sa mga minamahal, at sa bayang sinilangan na karamihan ay yung umunlad ito at gumanda ang kinabukasan. Dahil sabi nga nila libre ang mangarap ngunit dapat hindi lang dapat ito hangang pangarap kundi dapat ito matupad o mangyari kaya naman tayo dapat ay kumulis at isakatuparan ang lahat na panagarap na inaasam.

Agham

Malaking epekto

Ang Tanglaw

Sa ating panahon ngayon tila marami na ang na huhumaling talaga pagdating sa gadget. Mapa bata man o matanda ay updated na rin pagdating sa mga games, apps at iba pang libangan na maaari mong gawin gamit ang mga hightech na gadgets.

Ang iba naman ay ginagamit ang gadgets para gumawa o makagawa ng mga takdang aralin, research, proyekto nila at iba pa. Ngunit alam mo ba o alam ba natin ang maaaring maging sanhi nito sa ating kalusugan dahil sa labis na paggamit?

Una, Sleep Problems dahil sa labis na paggamit sa mga cellphone at iba pang gadgets ay nakakapagdulot ito ng mabagal na produksyon ng sleep hormone. Ito rin ay nangunguna sa epekto na labis na paggamit sa mga gadgets dahil sa napipigilan natin matulog kahit na antok na tayo ay sige parin sa ginagawa natin sa tapat ng mga gadgets.

Pangalawa, Tech Neck ito ay karaniwang nararamdaman nating pagkasakit sa ating mga leeg at balikat na halos ngalay na ngalay kana pero d ka parin papatinig kakagadgets. Sanhi ito ng pagsandal natin sa mga pader at upuan ng matagal habang kaharap ang mga computer o gadgets.

Pangatlo, Computer Vision Syndrome ang pagkapagod namn ito ng ating mga mata sanhi ng labis na pagtutok sa atin ng mga gadgets na nagdudulot ng pangangati at panlalabo ng ating mga mata.

Pang-apat, Laptop Laziness dito naman ay ang katamaran ng iyong katawan dahil sa kakagadgets. Pinapatamad ka nito na halos ang tuon mo lamang ay nasa cellphone mo na nakakaapekto upang mabawasan ang physical activity ng isa tao

Panglima, Poor posture dahil sa paggamit ng paggamit ng cellphone maaari itong makapagpakuba ng likuran mo sanhi ng pag-upo sa iisang posisyon sa loob ng matagal na ora.

Iyan ang iilan sa mga maaaring epekto ng labis mong paggamit o pagtutok sa iyo mga gadgets ngunit kung lilimitahan mo naman ito ay maaari ka rin makaiwas sa mga epektong ito sa ating kalusugan.

Ating ingatan at pahalagahan ang ating mga kalusugan upang sa ganon ay mabuhay pa ng matagal at walang iniindang sakit dahil sa labis na paggamit ng gadgets ng makasama pa ang mga minamahal sa buhay.

Balita

Barangay Chairwoman Crisell B. Beltran, Nailibing na

Ang Tanglaw

©Kuha ni Jason Vicente

Noong sabado, Febraury 9, 2019 alas 10 ng umaga sa forest lawn cemetery sa montalban inilibing ang Barangay chairwoman Crisell B. Beltran.

Umaga pa lang ay dumagsa na ang maraming tao upang makiramay at makilibing sa nasawing kapitan ng barangay na nagdulot ng mabigat na trapiko sa papalabas ng Barangay bagong silangan kaya’t ang ilang dumalo ay napilitang maglakad papalabas ng Department of Social Welfare and Development (DSWD).

Nag-umpisa ang misa sa oras na alas 8 ng umaga sa San Isidro Labrador Parish. Dahil sa dami ng taong pumunta ay napuno ang simbahan at umabot sa labas ang mga tao.
Matagumpay naman na nailibing ang Barangay Chairwoman sa kabila ng maraming problemang nangyari bago ang libing.

Balita

Sakit na Tigdas,Laganap

Ang Tanglaw

©Larawan mula sa Google

Pagkalat ng sakit na Tigdas ngayun sa ibat ibang panig ng bansa kabilang ang National Capital Region (NCR) , luzon at visayas. Kinumpirma ito ng Department of Health (DOH) noong ika pito ng pebrero taong kasalukuyan.

“Yes,There is an outbreak of measles (in NCR)” -ani ni Health Secretary Francisco Duque.

Ayon kay Duque, mas lumalaki pa ang bilang ng kaso ng nagkakaroon ng tigdas mula noong ika-isa ng Enero hanggang ika-anim ng pebrero taong 2019 kumpara noong nakaraang taon.

Sa natala ng DOH, Ang mga bata ang karamihang dinadapuan ng sakit na ito. Mga nasa edad na tatlong Buwan hanggang apat na taong gulang.

©Larawan mula sa Google

Nauna ng hinimok ni Health undersecretary Eric Domingo na pabakunahan ang kanilang mga anak laban sa nakakahawang sakit na tigdas na maaaring magdulot ng komplikasyong gaya ng pagtatae, pulmonya,pagkabulag at pagkamatay

Agad na nagsagawa ng Tigdas Vaccination ang ibat ibang barangay upang makaiwas sa nasabing sakit. At para mapanatili ang kaligtasan ng kanilang mga nasasakupan.

Editoryal

Botong pangmasa

Ang Tanglaw

Matagumpay at maayos ang botohan na naganap sa paaralang sekondarya ng bagong silangan noong pebrero 8,2019.

Bago ang kanilang kapalaran, sila ang nagsabi muna ng kanilang gagawen at nangako kung sakaling sila man ang palarin na manalo.

Halos lahat ng mag aaral ang nakiisa sa gawain ito maliban sa nasa 10 baitang na. Ang mga mag aaral ay tapat at tama ang binoto ayon sa kanilang pag kakilala sa mga dapat mamahala sa taong 2019-2020.

“Maraming maraming salamat po sa 1557 na bumoto,sumuporta,at nag tiwala. Asahan niyong lahat po ng aming ipinangako ay aming tutuparin sa abot ng aming makakaya” ani Kurt Michael Flores na nag wagi bilang P.I.O.

Kaya’t kung ikaw ang isa sa mga nangako,dapat lamang hindi ito mapako kundi magkaroon ng bunga ang bawat sinabi niyo,upang hindi ka masira sa mga kapwa mo mag aaral na iyong pinangakuan.

Isa rin ito sa responsibilidad na mamamahala sa iyong paaralan na panatilihin ang kaayusan at maging isang mabuting huwaran,inaasahan ng lahat ang inyong maayos na pamamahala,gaya ng mga pangakong inyong binitawan.

Editoryal

Makabagong panahon, Makabagong klima

Ang Tanglaw

Ang lamig naman maya-maya’y init ng bahagya. Maraming mga tao na ang nagbibigay ng mga komentrayo patungkol sa pababagong panahon, dati naman ay hindi ito ganoon. Nakakabahala na ito para sa mga batang kakasilang palang dahil sa mga lumalaganap ngayon sakit ng measles o tigdas at sa kadalasang sobrang init ng panahon, pati mga matatanda ay nagkakaroon na rin ng mga sakit tulad ng heart attack na umuuwi sa kanila sa kamatayan.

Ang meales kase o tigdas ay isang uri ng virus na kadalasan ang inaatake nito ang batang nakakasilang lang o walang malay sa mga nangyayari sa mundo. Nagdudulot ito ng malubhang karamdaman sa kanila dahil dala nitong pahirap tulad ng singaw sa balat, pamamantal, ubo, tumutulong sipon mula sa ilong, iritasyon o pangangati ng mga mata, at lagnat.

Ang sakit sa puso naman ay isang sakit na kadalasan na ang mga nagkakaroon nito ay nahahantong sa kamatayan. Ayon sa istatiska mula sa Kagawaran ng Kalusugan, ang mga pagkamatay sa sakit sa ugat ng puso ang nananagot sa 69.4% ng lahat ng pagkamatay sa sakit sa puso noong 2007. Mas pinag-igti pa ito dahil Nakita sa kamakailang mga taon ang maagang pagsisimula ng sakit sa ugat ng puso sa mas batang edad. Hindi pangkaraniwan sa isang tao na magkaroon ng sakit na ito sa edad na 20. Karamihan sa mga pasyente ay walang anumang nakitang abnormalidad, kaya ang posibilidad na magkaroon ng sakit ay mabilis na hindi mapuna.

Lahat ng mga ito ay mga sakit na tila ba’y pagnagkaroon ka nito, guguhuna ang iyong mundo pero hindi, hindi ito dapat maging banta upang ipagpatuloy ang masayang buhay. May mga paraan na makakatulong upang maiwas ang mga ganyang mga sakit tulad ng kumain ng mga masusustansyang pagkain, pag-inom ng maraming tubig, kung maaari umiwas sa mga taong may sakit atbp. Ang tanging proteksyon natin sa mga malulubhang ay ang ating sarili lamang at dito lang ito nakasalalay.

Agham

Paglaganap ng Sakit Hangin

Ang Tanglaw

©Larawan mula sa Google

Nagsagawa ng vaccination program ang Department Of Health(DOH)upang matapos na ang pagkakaroon ng outbreak sa tigdas.Itinaas na rin ng DOH ang measles alert sa buong bansa.

Kamakailan lang ay umabot sa 55 kabataan sa Metro Manila ang naiulat na namatay dahil sa sakit na tigdas. Dahil dito, idineklara ng (DOH) na mayroong outbreak ng naturang sakit sa NCR,at kalaunan sa Central Luzon.

Base sa datos ng DOH, nagtala ng 169 kaso ng tigdas sa NCR mula Enero 1 hanggang Pebrero 6 ngayon taon, kumpara sa 26 kasong naitala noong 2018.

Sa 1,504 na pasiyenteng may tigdas sa San Lazaro Hospital, 1,355 dito ang mga batang may edad na lima at pababa.

Ang tigdas ay isang uri ng sakit na dahil sa virus na maaaring maging isang malubhang karamdaman.Ang tigdas din ay isang nakahahawang sakit na dulot ng virus na sumisira sa respiratory tract o daanan ng paghinga bago kumalat sa buong katawan.

Ayon sa World Health Organization (WHO), ang tigdas ay maaaring kumalat sa hangin at karaniwang naipapasa sa pamamagitan ng pagdikit sa mga taong may impeksiyon.
Karaniwang kumakalat ang tigdas sa pag-ubo o pagbahing,

Kadalasan, ang tigdas ay umaabot mula 7 -18 hanggang 21 araw.Kapag ito ay hindi kaagad naagapan, maaari itong lumala at magdulot ng malubhang sakit sa baga, bituka, utak, o kamatayan pero maaari itong maiwasan sa pamamagitan ng pagpapabakuna.

©Larawan mula sa Google

Ayon sa DOH, ang bilang ng pagbabakuna sa bansa ay bumaba sa 60 porsyento dahil sa kontrobersiyang dulot ng Dengvaxia vaccine na dapat ay panlaban sa dengue ilang mga magulang ay tinanggihan ang mga programang pangkalusugan na isinasagawa ng gobyerno, pati na ang mga libreng bakuna na maaaring pumigil sa mga sakit na tulad ng tigdas.

“Importanteng muling maibalik ang tiwala sa pagbabakuna at malinaw na ilahad na ang Dengvaxia ay walang kaugnayan sa kasalukuyang vaccination programs na noon pa man ay nagbibigay benepisyo sa mga nakakatanggap nito,” ani WHO country representative Gundo Weller.

Bagaman walang espesipikong gamot para sa tigdas, maaaring mag-reseta ang doktor ng antibiotics para mabawasan ang mga sintomas at para gamutin ang mga komplikasyong dulot ng virus.

Maaari ring maiwasan ang pagkalat ng tigdas sa pamamagitan ng pagpapanatiling malusog at malinis ang pangangatawan at kapaligiran. Kabilang na rito ang palagiang paghuhugas ng kamay, pagtakip sa bibig at ilong kapag umuubo o bumabahing, at pag-iwas sa mga taong nakikitaan ng sintomas ng sakit.

Agham

Kutis na Nakakabahala

Ang Tanglaw

©Larawan mula sa Google

Kinumpirma ni Miss Universe 1993 Dayanara Torres na sya ay may skin cancer noong Pebrero 4 – World Cancer Day, may paalala din ang beauty queen sa publiko.

Malungkot na ibinalita ito ng Puerto Rican beauty queen via Instagram, kinuwento ni Yari kung paano nya nadiskubre ang skin cancer sa kanyang katawan.

©Larawan mula sa Google

Nagsimula raw ito sa nunal na lumalaki na hindi nya pinansin noon pero ngayon may tinanggal na daw na malaking bahagi sa kanyang alak-alakan pati na rin ang dalawang kulani sa kanyang binti, umaasa naman ang beauty queen na hindi na kumalat sa iba pang bahagi o organ ang cancer. Ipinagpapasa Diyos nalang raw nya ang lahat.

Paalala ni Yari na alagaan ang sarili at magpatingin kaagad kung may nararamdaman o nakikita sa katawan, tanong ng marami ano nga ba ang melanoma?

©Larawan mula sa Google

Ang melanoma ang tawag sa tumor sa melanocytes, ang pigment-producing cell na nagbibigay ng kulay sa ating balat. Ang cell na ito ay makikita sa buong balat natin pero mas marami ang mga ito kesa sa mga nunal. Kapag ang isa sa mga cell na ito ay naging malala, ito ay nagiging tumor na tinatawag na melanoma. Ang mga taong babad sa araw ang nagkakaroon ng skin cancer.

Maswerte tayong mga Pilipino dahil marami tayong melanin, ito ang nagpoprotekta sa ating balat sa UV rays. Payo ng doctor, iwasan ang pagbabad sa araw mula 9 am hanggang 4 pm kung saan mataas ang epekto saatin ng UV rays.

Ayon sa datos ng International Agency for Research on Cancer ng WHO ang bilang ng kaso ng melanoma sa buong mundo ay mahigit 287 thousand at 373 ang kaso na naitala sa ating bansa.

Isport

Rain or Shine, pinako ang NorthPort

Ang Tanglaw

Umiba ang ihip ng hangin nang makabawi ang Rain or Shine sa huling kuwarter kontra NorthPort, 107 – 100, sa PBA Philippine Cup sa Mall of Asia Arena, Biyernes.

©Larawan mula sa Google

Sa unang yugto pa lamang ng sagupaan ay umarangkada na ang Rain or Shine sa Iskor na 5 – 0.
Pinangunahan ito ni James Yap na nagkamit ng ng 19 puntos.

Hindi nagpatinag ang NorthPort at nilampaso ang Rain or Shine sa kalagitnaan ng laro. Agad namang binawi ito ni Yap gamit ang nagliliyab niyang mga kamay.

©Larawan mula sa Google

Pinako ng Rain or Shine ang NorthPort sa ikaapat na kuwarter na nagbunga ng 11 – 0 run.

Umani si Yap ng anim na tripleng puntos, tatlong rebounds, at limang assists. Nagkami naman ng malalaking puntos sina Beau Belga at Norert Torres, 19 at 16.

Malaki rin ang naiambag nina Mark Borboran at Rey Nambata na nag-init sa huling yugto ng laro.

Sa kabilang kupunan nabura ang 34 puntos ni Stanley Pringle, 22 puntos at pitong rebounds ni Sean Anthony.

“Hardwork lang at ready lang lagi” , ani Yap.

Umabante ang Rain or Shine sa talaan, 5 – 1. Samantalang nadumihang muli ang standing ng NorthPort, 2 – 2.