Lathalain

Pag-ibig Nga Naman

Ang Tanglaw

02-14-19. Araw na naman ng mga pusong nagmamahal. Ikaw ba yung uri ng taong nagmahal, umasa at nasaktan? O ikaw yung tipo ng taong takot magmahal kasi takot masaktan? Mga tao nga naman, basta pag-ibig ang pag-uusapan, sari-saring pagpapakahulugan.

Basta usapang pag-ibig, aba, mayaman tayo dyan. Nariyang may mga taong maswerte dahil nahanap na ang taong sadyang itinadhana para sa kanila, aba nga naman, ang lakas ng karisma. Mayroon din namang mga naghihintay pa daw ng tamang panahon at ilang taon pa ang ginugugol sa ligawan ngunit sa huli, sila pa rin naman at kung suswertihin, ang tuloy na ay sa simbahan.

Pero kung mayroong sumasaya, mawawala ba ang ang pagkasawi ng iba? Mayroon dyan, umasa sa mga pangako kaya nga lang, lahat napako. Yung iba naman pakipot pa masyado, kunyari iwas-iwas kaya nung nagsawa na, iniwan rin siya. At syempre mawawala pa ba ang mga nagmahal ng isang taong may mahal naman palang iba, ngunit mas masakit, kaibigan pa nila.

Nakakatuwa.Nakakaasar. Sabi nila masarap magmahal, pero sabi ng iba, masakit masaktan. Kapag usaping pag-ibig normal lang ‘yan. Hindi puro tamis, kailangan din ng pait dahil kung puro saya anupa’t mayroong kontrabida sa mga pelikula hindi ba?

Tiwala. Tiyaga. Unawa. Mahabang pasensya. ‘Yan ang sangkap ng tunay na pagmamahalan, pagmamahal na hindi nanggaling sa nguso lang kundi alinsunod sa puso ng bawat nagmamahalan at nagmamahal ng walang hinihintay na kapalit.

Hindi sukatan ang oras, pisikal na anyo, at ang kung anumang sasabihin ng iba, ang mahalaga ay tanggap mo sya at tanggap ka rin nya. Ika nga sa kanta ” mahal kita, basta’t mahal kita, ang iniisip nila ay hindi mahalaga, mahal kita maging sino ka man”, ‘yan ang tunay at tapat na pagmamahal, ang tunay na kahulugan ng pag-ibig at dapat itatak sa bawat isipan.

Ngunit, mahalaga munang malaman na ang pag-ibig at ang araw ng mga puso ay hindi lamang para sa mga nagmamahalan, ito rin ay tungkol sa pagmamahal sa sarili, pamilya, kaibigan, maging sa mga bagay na kinahihiligan at syempre pag-ibig para sa Maykapal.

Balita

Pekeng Bakuna Kontra-Rabies, naglipana

Ang Tanglaw

Nitong nakaraang taon lang, binanggit ng Department of Health (DOH) na may kakulangan sa supply ng anti-Rabies Vaccine para sa mga tao, dahil sa tumigil na sa paggawa ang isa sa dalawang pharmaceutical companies na nagmamanufacture nito.

Sa kabila ng kakulangan sa suppky, nagbabala ang Food and Drug Administration (FDA) na may pekeng Anti-Rabies Vaccine umanong naglipana sa mercado. Ang pakete, aakalaing lehitimo, ngunit kapag tinignan ang FDA Registration, iba ito sa lehitimong vaccine.

Ikinabahala ito ni Helen Hernandez, residente ng Bagong Silangan Quezon City. Nakagat kasi ng sarili nilang alagang aso ang kanyang anak. “Nakakatakot kasi baka mamaya peke pala ‘yung maturok sa anak ko, ‘di talaga mawawala yung kaba tsaka syempre takot.”

Ayon sa FDA, wala naman daw itong negatibong epekto sa katawan ng tao ngunit wala itong magiging epekto para labanan ang Rabies.

Editoryal

Pangako ng mga Kandidato, Malaking Kasinungalingan sa Tao

Ang Tanglaw

©Larawan mula sa google

©Larawan mula sa Google

Eleksiyon nanaman!

Sa mga ganitong panahon, lumalabas ang pangunahing suliranin ng mga Pilipino, ang kahirapan. At ang lahat ng mga kandidato ay aminado dito, dahil ito ay ang katotohanang ‘di nila kayang itago. Katotohanan na sa tuwing eleksiyon ay nagkakaroon ng “solusyon” na ang “solusyon” lamang daw dito ay ang iboto si Monito o si Monita, na “kapag manalo at makaupo sa pwesto ay tanggal ang mga problema niyo“. Palaging ganito ang napapanood, nababasa o naririnig ng mga tao sa tuwing sasapit ang halalan.

“Libreng edukasyon”, mataas na sahod”,”malinis na paglilingkod”,”trabaho para sa lahat”. Ito ay ilan lamang sa napakaraming ipaako este ipapangako ng mga kandidato upang makuha ang boto ng mga tao.

Matagal na nating alam na hindi lahat sila ay tapat, na nais lamang nilang maupo sa pwesto ay upang magpayaman gamit ang kapangyarihan at kaban ng bayan. Bawat isa sa kanila ay nagsasabing “ako at ang aking partido ang sagot sa kahirapan nyo“. Gaano katagal na natin itong naririnig, gaano katagal na nating naririnig na ang dahilan ng paghihirap ng bayan ay ang “maling taong nauupo sa pwesto” o “maling taong binoto ng nakararami.

Ilang beses na silang nangako ng pagbabago, ilang beses na ring sa tuwing ang mga taong ito ay nanalo, tila ang kanilang plataporma ay naglalaho. Tila naging “pantawid-gutom” na lamang ng sambayanan ang eleksyon dahil sa kawalan ng pag-asa para sa pagbabago.

Balita

Korea Industry, laganap sa Pilipinas

Ang Tanglaw

©Larawan mula sa Google

Dahil sa patuloy na paglaganap sa sinasabing ‘korean wave’ sa ating bansa, patuloy parin’ ang pagsikat ng mga ito sa madla mula pa noon hanggang ngayon, na syang naging hudyat sa mga ibang tagahanga na yakapin ang nasabing wika

Ayon sa ilang tagahanga ng K-pop, mayroon silang sariling konsepto na kakaiba sa lahat na nakakaaliw at maganda itong pakinggan tulad ng mga hiphop song pero mala pop song

Katulad nalamang ang pagdating ng isang sikat na female group na nangangalang ‘Blackpink’ nitong ika-2 ng febrero taong 2019 sa Mall of Asia Arena na dinaluhan ng higit isang libong tagahanga

©larawan mula sa Google

“Nakakahanga ang kanilang ipinamalas ngaun kahit hindi namin naintindihan ang kanilang paraan ng pagsalita o ‘hangul’ ay masarap sa itong pakinggan at animo’y alam ang kanilang sinasabi”, ani ng isang tagahanga sa nasabing k-pop

Makakatulong sa bansa ang makipagsalamuha sa iba lalo na sa mga taong masasabing magiging daan para sa pagbabago ngunit may kasamaan ito kung susubra na, na kung saan hindi na kayang pahalagahan ang sariling wika

Lathalain

Alaala

Ang Tanglaw

©Larawan mula sa Google

Hayskul. Isa sa mga panahong hinding-hindi makakalimutan ng marami isang panahon kung saan puno ng saya at pag-asa na nasaksihan sa paaralan ng Bagong Silangan.

Ilang buwan na lamang ang didiligan mga bulaklak ay malapit nang mamukadkad, may mananatiling nakatiklop at ang ilan ay malalanta. May aalis at maiiwan kasama ng mga pangarap na magkasamang iginuhit sa papel, mga pangarap na naghuhudyat ng pagbabago ng ihip ng hangin.

Pasahan dito, pasahan doon. Aral. Simbolo na malapit na ang katapusan, katapusang magiging simula ng bago nating mga kapalaran.

Isa, dalawa, tatlo at apat. Isa, isang matamis na alaala ang maiiwan mula sa Paaralang Sekondarya ng Bagong Silangan. Dalawa, dalawang taon ng leksyon, tawanan at kulitan. Tatlo, AKO, tatlong letrang magsasabing ako na magbunuklod sa apat na letrang TAYO at magsasabing “ sisimulan natin ang pagtatapos na ito at ipagmamalaki na sa Bagong Silangan nagmitsa ang mga pangarap ko. ”

Marami. Maraming alaala ang maiiwan, maraming alaala ang hindi malilimutan. Alaala na dapat nating itatak sa isipan at habang hindi pa natatapos ang kulita’t tawanan sa loob ng silid-aralan lubos-lubusin na natin ang nalalabing oras nang sa gayong pagsikat ng bukang liwayway ay ngiti sa labi at masasayang alaala na lamang ng bawat isa ang ating masilayan.

Agham

Walong layunin dulot nito’y makabubuti

Ang Tanglaw

Ang panahon ngayon at noon ay tila bang magkaiba kung titignan lamang sa panlabas na kaanyuan ngunit kung tititigan ng maigi at malapitan talagang may mapapansin kang mag magkatulad isa narin dito ang tunay na kalagayan ng bayan at mamamayan.

Alam nyo ba ang Millineum Development Goals? Ang Millineum Development Goals ay mayroong walong layunin na 191 na miyembro ng UN States ang umapruba dito. Ito ay inaasahan na makakamit o masasakatuparan ang walo sa taong 2015. Ito rin pinirmahan noong Setyembre 2000 upang labanan ang mga diacriminasyon,kagutuman,kahirapan,mga problema sa kalikasan at iba pa.

Ano nga ba ang walong Millineum Development Goals? Ang mga ito ay;
1.Eradicate extreme poverty and hunger
2.Achieve universal primary education
3.Promote gender equality and empower woman
4.Reduce child mortality
5.Improve material health
6.Combat HIV/AIDS, malaria and other diseas
7.Ensure environmental sustainability
8.Global partnership for development

Ang lahat ng layunin ay talagang nakakatulong at makakatulong sa bawat isa at sa buong daigdig dahil dito maari ng masolusyunan ang mga suliranin na kinahaharap ngayon at sa susunod pang panahon lalo na ang kahirapan at kagutuman na lahat naman ng tao ay nais na itong wakasan.

Ngunit hindi man ito na isakatuparang lahat noong 2015 sana ngayong taon at sa susunod pang panahon ay magpatuloy at isakatuparan ang walong layunin ng pamahalaan, paaralan, pamilya, at bilang isang mamamayan.

Editoryal

Isang libo’t isang adik

Ang Tanglaw

Sa panahon ngayon, maraming kinaadikan ang mga kabataan. Hindi na uso ang mga larong panlabas ng bahay kundi sari-sari ng mga apps o gadget games.

“Attack.”
“Allied has been slain.”
“Triple kill.”
“You had slain an enemy.”
“Request back up.”
“Victory.”

©Larawan mula sa Google

Isa lamang ang larong Mobile Legends (ML) mga kinaaadikang laro ngayon ng maraming tao , bata man o matanda. Kamakailan lamang ay umugong ang balitang tatanggalin na ito sa Pilipinas dahil sa mga masamang epekto nito. Nagdudulot daw ito ng kasiyahan at libang sa mga manlalaro nito, ngunit salungat sa pagpapakahulugan ng ibang tao.

Para sa mga taong hindi manlalaro nito, ito ay isang larong nakasisira ng relasyon ng tao sa paraang panlalason nito ng isip ng bawat manlalaro na hindi maihiwalay sa kanilang kamay oras na nakapaglaro na para bang hindi buo ang araw nila kung hindi makalalaro.

Bukod pa dito, nagagawa din nitong kontrolin ang isang tao na ‘wag nakinig sa anumang ingay at nagiging sanhi ng katamaran nito lalo na sa mga mag-aaral at maaari ring maapektuhan ang kanilang sariling kalusugan.

Isang tiyak na sitwasyon na magpapatunay na sadyang kinaaadikan ito hindi lamang ng mga kabataan kundi pati na rin iba, may trabaho man o tambay lang sa bahay, ay ang pagpupuyat ng mga kabataan hindi upang gumawa ng mga aktibidades sa paaralan kundi para pagpuyatan ang paglalaro ng ML.

Gayunpaman, sabi nga nila ‘walang basagan ng trip’ maaari naman ngunit sana’y walang ibang naaapektuhan.

Isport

Ating ibalik muli

Ang Tanglaw

Mga larong pambata na halos tuwing umaga ay gumigising ng maaga upang makipag laro lamang sa mga kaibigang bata sa lansangan.

Naaalala mo pa ba ang mga larong pinoy na dati mong nilalaro? Marahil naalala mo pa ngunit hindi mona magawa sa ngayon dahil sa halos laos na ito at hindi na sikat ngayon, ngunit kung susuriin at ikukumpara sa noon, mas maganda pa ito kesa sa mga larong teknolohiya ngayon.

Tumbang preso, Sipa, Palo Sebo, Sepak Takraw, Agawan Base, Patintero, Luksong Baka atbp. Ilan lang yan sa mga larong pinoy na sadyang madalang na makita at malaro ng mga bata ngayon.

©Larawan mula sa Google

Kung tatanungin mo ang mga bata sa Visayas tungkol sa larong pitiw (siyato), ay kilalang kilala nila ito. Dalawa o apat na manlalaro ang maglalalaban dito at maaaring maglaro ng grupo man o indibidwal. Ito ay ginagamitan ng dalawang stick ng kawayan, kahoy o rattan.

Ngayong kasalukuyan makikita mo ang mga bata na nasa bahay o computer shop na naglalaro ng mga Mobile Legend, Clash of Clans at ROS. Tuluyan na nga ba nating nakalimutan at unti-unting nabubura ang mga laro na nanggaling pa sa ating mga ninuno?
Malamang hindi natin alam dahil nakadepende pa rin ito sa mga kabataan ngayon at dahil may mga bata parin na tinatangkilik ito at pilit na binubuhay sa kasalukuyang panahon.

Isport

2019 NBA ALL-STAR GAME, malapit na

Ang Tanglaw

©Larawan mula sa Google

Inihayag noong Thursday, January 31 ang NBA all-star sa Charlotte na gaganapin sa Febraury 17th 2019.

Napili si Lebron James at Giannis Antetokounmo bilang captain at ang mga starter ay sina Stephen Curry, James Harden, Kevin Durant, Paul George, Kawhi Leonard, Kemba Walker, Kyrie Irving at Joel Embiid. Habang ang mga reserve player’s naman ay sina Kyle Lowry, Russell Westbrook, Victor Oladipo, Damain Lillard, Khris Middleton, Klay Thompson, Bradley Beal, Anthony Davis, Ben Simmons, LaMarcus Aldridge, Blake Griffin, Nikola Jokic, Nikola Vucevic, and Karl-Anthony Towns.

Noong biyernes ay nag-anunsiyo ang NBA na idadagdag sina Dwayne Wade ay Dirk Nowitzki sa NBA all-Star game bilang Special roster add-on team.
Ang NBA All-Star Draft ngayong 2019 ay ipapalabas sa February 7th pati na rin ang araw ng TRADE DEADLINE. Si Lebron James at Giannis Antetokounmo ay maaaring pumili sa mga nabanggit na manlalaro. Unang pipiliin ang walong manlalaro na kabilang sa starter bago ang mga reserve players.

Editoryal

Bagong mukha; bagong pag-asa

Ang Tanglaw

©Larawan mula sa Google

Kapag usapang paglilinis sa Manila Bay ay hindi mawawalan ng pag-asa ang Department of Environment and Natural Resources (DENR).

Kamakailan lang sinabi ni Pangulong Rodrigo Roa Duterte na ipapa-rehabilitate niya ang Manila Bay. Ayon sa DENR, dapat ay nasa 100 lamang ang coliform level ng tubig sa Manila Bay. Subalit noong 2016 batay sa pag-aaral umabot ito sa mahigit 155m. Ito’y lubhang mapanganib sa kalusugan ng maliligo dito.

Ang tubig ng Manila Bay ay ang pinaka-polluted na baybayin sa bansa at gayundin sa buong mundo. Parang nagsisilbing waste-dump na umano ito para sa Metropolis, dahil nandito ang lokal na dumi mula sa imburnal at karamihan sa Manila Bay napupunta ang mga basurang tinatapon kung saan-saan at malapit sa baybayin na naging dahilan ng pagkabaho nito.

Nasimulan na ang rehabilitasyon, mahigit 5,000 mga boluntaryo na naglalayong linisin ang lugar. Ang mga boluntaryo kabilang ang mga estudyante,empleyado at mga civic organization.

Nagulat ang publiko sa bagong mukha ng Manila Bay matapos masaksihan ang positibong epekto ng programang rehabilitasyon. Pinahayag ng Department of Interior and Local Government (DILG) na patuloy silang magsasagawa ng gawain bawat linggo.

©Larawan mula sa Google

Dapat nating pasalamatan ang ating Pangulo dahil matagal nang problema ang Manila Bay at siya lamang ang tumuon ng pansin. At sa Gobyerno’t boluntaryo na tumulong upang muling mapaganda ang Manila Bay. Ngunit sana’y walang bahid na kahulugan ang nasabing rehabilitasyon. Katulad na lamang na pagpapatayo nh bagong emprastraktura, sana’y huwag sirain at tanggalin ang mga magagandang likas at tanawin natin.